تفاصيل العملية | اقتحام الأمن الوطني في قسم المعصرة…واجتماع السيسي بوزير الداخلية
✅ لو شايف إن محتوى القناة مختلف ويستاهل الدعم،
تقدر دلوقتي تشترك كـ راعي للقناة وتكون جزء من الفريق اللي بيواجه سيل التضليل بالمعلومة.
الاشتراك كراعي بيدعم استمرارنا، وبيفتح لك مزايا خاصة هتعرفها عند الاشتراك…
فلو انت مؤمن إن “الكلمة أقوى من الرصاصة”،
إدعم الكلمة… وابقى راعينا!
يشرفنا انضمامك للقناة كداعم وراعي من خلال هذا الرابط
https://www.youtube.com/channel/UCE5rtJuXf916U9aV9-UWq5A/join
*************************************************************************
عاجل | اقتحام الأمن الوطني في قسم المعصرة…واجتماع السيسي بوزير الداخلية
هل فعلًا ٤ شباب قدروا يقتحموا مكتب الأمن الوطني في قسم شرطة المعصرة بحلوان؟ وهل اللي اتقال في الفيديو المنتشر له علاقة بدعم غزة؟ ولا في مخطط أكبر بيتحرك علشان يولّع الشارع المصري؟
في الفيديو ده هنفكك معاكم الحقيقة الكاملة وراء الفيديو المثير للجدل اللي انتشر على قناة “طوفان الأمة”، واللي بيظهر فيه مجموعة شباب جوه مكتب الأمن الوطني في قسم شرطة المعصرة وبيتكلموا عن معبر رفح ودعم أهلنا في أرض العزة. وزارة الداخلية المصرية نفت صحة الفيديو وقالت إنه مفبرك وإن الهدف منه نشر الفوضى ودعوات التحريض لإسقاط الدولة.
لكن السؤال الأهم: ليه في فيديوهات زي دي بتطلع دلوقتي؟ وليه بيتم ربط الموضوع بالمعبر وغزة؟ وهل فعلًا اقتحام مبنى سيادي هو الحل عشان الأكل يوصل لأهلنا في أرض العزة؟ هنا لازم نفهم إن المعبر من الناحية التانية تحت سيطرة قوات الاحتلال، وأي شاحنات مش هتوصل لأهلنا إلا بتنسيق دولي كامل، يعني اللي بيتقال عن “افتحوا المعبر بالعافية” مجرد دعوات انفعالية هدفها إشعال الشارع مش نصرة القضية.
اللي حصل في ٢٠١١ بيتكرر بنفس الأدوات: استغلال غضب الشعب وتحويله لفوضى علشان البلد تنهار من جوه. افتكروا: في عزّ الثورة اتبنى سد النهضة، وسيناء بقت ساحة مفتوحة. النهارده نفس اللعبة راجعة: ولّع في بلدك علشان “تحرر غزة”، لكن النتيجة هتكون ضياع سيناء وانهيار الدولة.
بلدك أكتر بلد شايلة هم إخواتنا في أرض العزة، ومصر بتشتغل بالعقل مش بالانفعال، بتنسّق دوليًا علشان المساعدات توصل فعلًا مش تضيع. الغضب مشروع… لكن الانفعال اللي يهدم بلدك مش بطولة. البطولة الحقيقية هي إنك تحمي بلدك وهي واقفة قوية وبتساعد إخواتنا بالطريق الصح.
تابعونا علشان نكشف تفاصيل أكتر عن:
– حقيقة الفيديو اللي انتشر على تليجرام.
– رد وزارة الداخلية المصرية والحقائق اللي أعلنتها.
– مين المستفيد من نشر الفوضى في التوقيت ده؟
– ليه نفس السيناريوهات القديمة بيرجعوا يشتغلوا بيها؟
اكتبولنا في التعليقات: إنت شايف الفيديو حقيقي ولا مفبرك؟ وإيه الحل في رأيك لدعم إخواتنا في أرض العزة من غير ما البلد تضيع؟
. .
